Kuku wa nyama ndio wanaofugwa zaidi katika tasnia ya ufugaji wa kuku nchini India. Wanafugwa kwa soko la kibiashara la kuku wa nyama. Kuku wa nyama wana ngozi ya manjano na manyoya meupe.
Kuna aina mbili za kuku wa nyama: aina ya kuku wa kibiashara ambayo hufugwa kwa nyama, na nyama mfano wake ni avian. Aina ya madhumuni mawili ambayo hufugwa kwa ajili nyama na mayai na nyama mfano ni Rhode Island Red. Kuku hawa hupata uzito wa kuchinjwa kati ya umri wa wiki 4–6. Kuna makundi mawili, kundi moja ambalo lina kuku wanaofugwa kwa wakati fulani. Na makundi mengi ambayo yana zaidi vifaranga walio katika hatua mbalimbali za kuanguliwa
Maandalizi ya banda
Banda linapaswa kuinuliwa, liwe na maji safi ya kunywa, na hewa safi ili kuzuia kuenea kwa magonjwa.
Ua viini kabla vifaranga hawajaletwa kwenye banda. Hakikisha kuna hali ya joto sahihi ndani ya banda siku moja kabla ya vifaranga kufika. Dhibitiwa wadudu na magonjwa kwa kufanya ufuatiliaji wa mara kwa mara. Punguza idadi ya wageni wanaotembelea shamba, na weka uzio ili kukabiliana na magonjwa
Faida na changamoto
Faida ni pamoja na; kuna uwezekano wa kufuga idadi kubwa ya kuku, gharama za takataka hazizingatiwi, ni rahisi kuua viini na kusafisha eneo, ukuaji mzuri wa ndege, na utumiaji wa malisho ni bora na hupunguza tabia ya kujidonoa.
Changamoto za ufugaji wa kuku wa nyama ni; kusafisha vyombo na kuondoa kinyesi ni mchakato wa kuchosha, uwekezaji wa awali wa banda na vizimba ghali, pia kuna uwezekano mkubwa wa kuku kupata malengelenge, kuchubuka na kuchopotoka kisigino.
Kuwasha taa, kulisha na kuchanja ndege
Washa taa ili kutolea kuku mwanga kwa masaa 24 wakati wa kushughulikia vifarnga, saa 23 za mwanga na saa 1 ya giza kila siku hadi kuku watakapokuwa tayari. Chakula kinapaswa kuwa bora na kiwe na lishe na virutubisho vya kutosha. Kuchanja kawaida hufanywa kutoka siku ya kwanza ya vifaranga kuanguliwa.
Chanjo ya siku 1 ya mareks hutolewa kwa kuku, katika siku ya 5 –7 RDV F1 hutolewa, katika siku ya 14 chanjo ya IBD hutolewa, katika siku ya 21 chanjo ya RDV La Sota hutolewa, na hatimaye dozi ya nyongeza ya IBD hutolewa siku ya 28.
