Okusimbuliza y‘enkola y‘okuggya ekirime okuva we kimerukidde okukizza awalala n‘okuteeka endokwa mu kifo ekitalina bulabe.
Okusimbuliza nkola ya kwegendereza nnyo naye kirina emiganyulo mingi eri abalimi. Okukozesa endokwa y‘engeri esinga obwangu era eyettanirwa ennyo mu kutandika faamu y‘enva endiirwa, endokwa gwe mutendera gw‘ensigo emeruse.
Embeera
Obudde obutuufu obw‘okusimbuliza endokwa zo businziira ku kukula kw‘ebikoola ebituufu ebitali bino ebisooka okuvaayo. Nga tonnasimbuliza kakasa nti ettaka lya mutindo era lirina okubanga lisobola okutereka oluzzizzi.
Simbuliza endokwa olweggulo okuyamba ekirime okuwonawo mu kukisimbuliza.
Okuguma
Wano w‘otandikira okuteeka endokwa mu kifo kyazo eky‘enkalakkalira. Guno mutendera muzibu nnyo mu kukula kw‘ekirime kyo.
Endokwa zeetaaga obudde okumanyiira ekifo nga tezinnasimbulizibwa. Mu bbanga lya wiiki emu ku bbiri, zireke zimanyiire embeera y‘ebweru.
Okusimbuliza
Kozesa enkumbi, ekitiiyo oba omuyiko okusima ekinnya ekitono ekya buli ndokwa mu nnimiro yo. Sima ebinnya nga biwanvu ng‘emirandira gy‘ebirime. Emirandira gibulize mu ttaka. Bulijjo lekako ettaka eriri ku ndokwa era ekirime tokisalira ku nduli yaakyo.
Teeka ekirime mu kinnya era ebbanga erisigaddewo olijjuze ettaka eririmu ebirungo lye watadde ebbali. Fukirira ettaka eririraanye ekirime n‘amazzi okusobozesa emirandira okufuna ebirungo.
Okwonooneka kw‘ebirime ebisimbulize
Ebirime bwe bitandika okuwotoka, okukala oba okufuuka ebya kyenvu biggye mu kasana akangi.
