Okususa kasooli n’okumuggyamu ebisaaniiko by’ebimu ku byongera ku bbeeyi ya kasooli n’okukendeeza ku kufiirizibwa okuyinza okuddirira oluvannyuma lw’onunuula kasooli mu bikolebwa byonna okukuuma omutindo gwa kasooli.
Okususa kasooli kukolebwa oluvannyuma lw’okumunuula, noolwekyo, okuyiga enkola yonna kya nkizo nnyo mu balimi ba kasooli. Okwongerezaako, okukozesa ekyuma okumukongola kisingako ku kumukongoza engalo engeri gye kiri nti obudde butono obutwalibwa mu kumuggyamu ebisasiro n’okumuwewa. Ekirala ekiyinza okukolebwa kwe kukozesa engalo okuggyako akakuta mu balimi abatasobola kutuuka mangu awali ebyuma, wabula, kino kirina kukolebwa nga okozesa amaanyi amatonotono okwewala okumenya empeke za kasooli engeri gye kiri nti empeke ezimenyese zirumbibwa mangu obuwuka era zigulwa ssente ntono ku katale.
Emitendera egiyitwamu
Ku ntandikwa y’enkola eno, teeka kasooli mu kisiikirize nga akyali ku bikongoliro okwewogoma akasana engeri gye kiri nti okususa kasooli kutwala obudde bungi. Ekikongoliro kyaseemu nga otandikira waggulu nga okozesa ekintu ekyogi. Kino kiddirirwa okwawula empeke za kasooli n’ebikongoliro okusobola okukuuma omutindo. Naye era, okukozesa ebyuma okukongola kya mugaso nnyo engeri gye kiri nti empeke zikosebwa kitono ate kyanguya.
Mu kukongoza ekyuma, kya mugaso nnyo okupima obulungi obunene bw’empeke okuziyiza okumenya empeke za kasooli n’obutaleka kasooli ku bikongoliro. Mu kuwumbawumba, kungaanya kasooli ayiise okuziyiza okufiirizibwa okujja oluvannyuma lw’okunuula kasooli mu nkola ey’okumukolako era olabe nti emmere emala awaka.
